ອິນເດຍ ຈະມີປະຊາກອນຫຼາຍທີ່ສຸດ ໃນໂລກ ແຊງໜ້າຈີນໃນກາງປີນີ້
ຂໍ້ມູນຂອງອົງການສະຫະປະຊາຊາດ ລະບຸເມື່ອວັນທີ 20 ເມສາ ຜ່ານມາວ່າ: ປະເທດອິນເດຍ ຈະກາຍເປັນປະ ເທດທີ່ມີປະຊາກອນຫຼາຍທີ່ສຸດ ແຊງໜ້າປະ ເທດຈີນພາຍໃນກາງປີ2023. ປັດຈຸບັນປະຊາກອນຊາວໜຸ່ມຂອງອິນເດຍ 254 ລ້ານຄົນ ສ່ວນໃຫຍ່ແມ່ນຢູ່ໃນໄວອາຍຸ 15-24 ປີ ແລະ ຖືເປັນຈຳນວນຫຼາຍ ທີ່ສຸດ ໃນໂລກ, ສ່ວນປະຊາກອນຈີນ ແມ່ນກຳລັງເຂົ້າສູ່ສັງຄົມຜູ້ສູງ ອາຍຸນີ້ອາດເປັນບາດລ້ຽວສຳຄັນຂອງເສດຖະກິດຈີນໃນອະນາຄົດ. ດ້ວຍເຫດນີ້ ປະ ເທດອິນ ເດຍ ຈຶ່ງຕົກເປັນເປົ້າໝາຍຂອງບັນດາບໍລິສັດເຕັກໂນໂລຊີຍັກໃຫຍ່ ໃນການສ້າງຖານການຜະລິດເຊັ່ນ: ບໍລິສັດ Apple ທີ່ຈະຍ້າຍຖານການຜະລິດບາງສ່ວນ ຈາກຈີນມາອິນເດຍ ເພື່ອຫຼີກລ້ຽງຄ່າຈ້າງແຮງງານທີ່ສູງ. ປະຊາກອນໄວໜຸ່ມເຫຼົ່ານີ້ ຈະມາຂັບເຄື່ອນເສດຖະກິດພາຍໃນປະເທດອີກຫຼາຍປີຕໍ່ໜ້າ ແຕ່ອາດເກີດ ບັນຫາ ຫາກບໍ່ໄດ້ຮັບການຈ້າງງານທີ່ພຽງພໍ ຈຳນວນປະຊາກອນທີ່ເພີ່ມຂຶ້ນ ອັດຕາການວ່າງງານກໍເພີ່ມຂຶ້ນເຊັ່ນດຽວກັນ. ປະເທດຈີນ ກາຍເປັນປະເທດທີ່ມີປະ ຊາກອນຫຼາຍທີ່ສຸດໃນໂລກ ນັບແຕ່ປີ 1950 (ອົງການສະຫະປະຊາຊາດ ເລີ່ມອອກຂໍ້ມູນປະຊາກອນ). ຕົວເລກປະ ຊາກອນອິນເດຍອາດລື່ນຈີນ, ນີ້ເປັນພຽງ ການຄາດການ ເນື່ອງຈາກຂໍ້ຈຳກັດ ດ້ານຂໍ້ມູນປະຊາກອນ ເຮັດໃຫ້ບໍ່ສາມາດຄຳນວນວັນທີໄດ້ຢ່າງຄັກແນ່ ເພາະປະເທດອິນເດຍ ມີການສຳຫຼວດສຳມະໂນຄົວ ຄັ້ງຫຼ້າສຸດ ຕັ້ງແຕ່ປີ 2011. ແນວໃດກໍຕາມ, ອີງຕາມຂໍ້ມູນດ້ານປະຊາກອນໂລກເປີດເຜີຍຕົວເລກຫຼ້າສຸດປີ 2023 ປະເທດອິນເດຍມີປະຊາກອນຫຼາຍທີ່ສຸດໃນ ໂລກແຊງໜ້າຈີນຄື 1.426.070.070 ຄົນ, ສ່ວນຈີນຕົກມາຢູ່ອັນດັບ2ໂດຍມີ 1.425.740.427 ຄົນ.
ແຫຼ່ງທີ່ມາ: ໜັງສືພິມກອງທັບ
ວັນທີ 25/04/2023